عفاف شعيب: عمري ما فكرت أقلع الحجاب لهذا السبب (فيديو)

قالت الفنانة عفاف شعيب، أنها لم تفكر مطلقًا في خلع الحجاب، إسوة بغيرها من الفنانات اللاتي قررن خلعه بعد فترة من ارتداءه.

وأضافت “عفاف” خلال لقائها في برنامج ” كلام الناس” والمذاع عبر قناة ” إم بي سي مصر”: “لو انت إيمانك بالله قوي هتعملي الصح، لو إيمانك ضعيف أو مافيش إيمان خلاص بقى، أنا مش عايزة الدنيا تاخدنا، الدنيا من الدناوة والدنيا غرورة بتغر الناس، وفي النهاية ما الحياة إلا متاع الغرور، الدنيا بتزغلل الغلط في عنيكي، ومن قبل حجابي كنت بحضر المهرجانات وعمري ما قولت إن فلانة أحسن مني، لإني كنت بحس إني ملكة”.

عفاف شعيب: أخدت ركن لوحدي وبعدت عشان المشاكل

وعن ما تردد بمقاطعتها للفنانة التي تعلن خلعها للحجاب؛ نفت الفنانة عفاف شعيب تلك الأقاويل، قائلة: “أنا بقالي فترة طويلة جدًا بعيدة خالص عن صداقات الوسط، وأخدت ركن لوحدي، عشان أقابل ربنا وهو راضي عني، ويرزقني حُسن الخاتمة، هو ده اللي أنا طالباه، أنا بس بعدت عشان مايحصلش مشاكل”.

وتابعت: “الحجاب بيحجبك عن حاجات كتير، وكتر الكلام يخلي الواحد ياخد وزر، وأي قعدة ستات لا تخلو من الكلام والرغي الكتير”.

مشاركة الخبر: عفاف شعيب: عمري ما فكرت أقلع الحجاب لهذا السبب (فيديو) على وسائل التواصل من نيوز فور مي