أميرة عبد العظيم: صليت ركعتين عشان أقابل عادل إمام وده مش عيب (فيديو)
قالت الإعلامية أميرة عبد العظيم، أنها لجأت إلى صلاة ركعتين حاجة، حتى تقابل الفنان عادل إمام في أولى حلقات برنامجها.
وقالت “أميرة” خلال لقائها في برنامج “كلام الناس” المُذاع عبر قناة mbc مصر: “الموضوع ده أخد أكبر من حجمه، إحنا بنستعين بالصلاة في قضاء الحاجة، بنصلي وندعي لما نعوز أي حاجة، وأول حلقة ليا في البرنامج وعاوزة أبتدي بعادل إمام، أبتدي بالتوب عشان كل النجوم بعد كدة يجولي يبقوا سوبر، لكن لو ابتديت صغيرة هفضل صغيرة”.
وتابعت: “في الوقت ده أستاذ عادل إمام ماكانش بيروح برامج، وبقيت قلقانة أنه مايوافقش، وعادي يعني قومت صليت وكلمت أستاذ عامل إمام، وقولتله أنا فلانة الفلانية وعاوزين حضرتك، وقالي أنا موافق، فإيه المشكلة أننا نصلي عشان ربنا يسهل لينا اللي احنا عايزينه”.
أميرة عبد العظيم: شعري الأصفر منعني أقدم نشرة الأخبار
وتطرقت أميرة عبد العظيم إلى عملها كمقدمة نشرة أخبار في التليفزيون المصري، حيث أوضحت أنها عندما ذهبت إلى لجنة الاختبار، قال لها سمير التوني: (أنا شايفك أكتر في برامج المنوعات سيبك من حكاية نشرة الأخبار دي).
وأكدت أن هناك مقاييس لقارئة نشرة الأخبار، منها أن يكون شعرها أسود، وجادة الملامح، على الرغم من اختلاف المقاييس الآن.
مشاركة الخبر: أميرة عبد العظيم: صليت ركعتين عشان أقابل عادل إمام وده مش عيب (فيديو) على وسائل التواصل من نيوز فور مي