ياسمين عز توضح حقيقة تصريحها “لو جوزك في علاقة مع واحدة تانية يبقى محبوب”
أوضحت الإعلامية ياسمين عز، حقيقة تصريحها المتداول على مواقع التواصل الاجتماعي خلال اليومين الأخيرين، بشأن دخول الزوج في علاقة مع امرأة أخرى.
حيث تداول مستخدمو مواقع التواصل الاجتماعي، تصريحًا منسوب إلى ياسمين عز، جاء فيه: “لو جوزك في علاقة مع واحدة تاني يبقى محبوب”.
وردت ياسمين عز في حلقتها اليوم من برنامج “كلام الناس” المُذاع عبر قناة mbc مصر، قائلة: “ظاهرة غريبة ومقززة منتشرة على السوشيال ميديا بصورة مبالغ فيها وهي الفبركة، والمصيبة إن الناس تفبرك كلام أو تصريح من برنامج موجود كل يوم على الهوا، وحلقاته متاحة على منصة شاهد، وفيديوهاته متاحة على مواقع التواصل الاجتماعي”.
ياسمين عز: فبركة التصريحات أسلوب رخيص
وتابعت: “الهدف معروف وأنا فاهماه كويس، والناس فاهمة كل حاجة كويس، ففكرة إني عشان أهاجم حد أقوم أشهر وأفبرك صور وأقول عليها كلام عشان أجمع كام لايك وشير فده أسلوب رخيص أوي”.
واستطردت: “اللي يزعلك إن في ناس المفروض أنها مثقفة، وواعية بيلجؤوا للأسلوب ده، وأنا اللي بيهمني في كل ده الناس العادية واللي يشوف الكلام ويصدقه ويشيره من غير ما يكلف نفسه ويشوف الفيديو ويتأكد بنفسه إذا كان الكلام ده اتقال ولا لأ”.
مشاركة الخبر: ياسمين عز توضح حقيقة تصريحها “لو جوزك في علاقة مع واحدة تانية يبقى محبوب” على وسائل التواصل من نيوز فور مي