بعقد قران رسمي.. شيرين عبد الوهاب تعود لحسام حبيب وتعلق: ” ده حب حياتي”
آخر تحديث السبت 12 نوفمبر 2022
ظهرت شيرين عبد الوهاب في مكالمة هاتفية مع عمرو أديب طمأنت من خلالها الجمهور على وضعها الصحي بعد خروجها من المستشفى وفاجأتهم بنبأ عودتها لزوجها السابق حسام حبيب.
حيث بدأت مكالمتها قائلة: “انا الحقيقة لازم ابقى لطيفة في المكالمة النهاردة، انا زى البومب في حد بيحبه ناس كتير كده وشعوب تقوم وتقعد وفاكرني، أنا سعيدة بيكم وبتدفى بيكم”.
وأضافت: “انا كويسة لسه بخضع لعلاجي النفسي اللي بخضعله من ساعة ما خلفت مريم وهنا، انا باين على صوتي اني مش محتاجة حاجة”.
واستطردت: “انا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن”.
وشكرت محمد عبد الوهاب لأنه عرفها على المستشفى قائلة “علشان علموني انام بدري وبصحى بدري”.
ووجهت رسالة شكر للصحافة “من خلال برنامجك هشكر صحافة بلدي وبشكر صحافة الوطن العربي كله”.
واعلنت انها عفت عن شقيقها بقول: “هتنازل عن أى قضية ضد اخويا، علشان انا بسامح كل الناس وبخف كده، انا مش هرضى أن امي ترضى تنام معيطة على مخدتها بسبب أن ابنها وبنتها على خلاف”.
ثم كشفت أنها كتبت كتابها على حسام حبيب وعادت له من جديدة، معقبة: “كتبنا الكتاب الساعة ٩ بليل بحضور المقربين”
واعتذرت منه قائلة: “بعتذر لحسام، وان كنت طلعت في يوم اتكلمت عنه احنا كان معمولنا حاجة كبيرة اوووي”، وعما إن كانت تقصد بذلك سحراً أجابت: “انا مقدرش اتكلم في الكلام ده، بس الحاجات دي مذكورة في القرآن، انا شيرين وغلطانة اني اتكلمت في العلن”.
وأضافت: “انا معرفش احب بسهولة وأكره بسهولة، ده حب حياتي، انا لسه بحبه، واقول للناس انا في أمان علشان انا وسطكم، حسام طيب جدا وهما ناس طيبين جدآ، وانا بوعد الناس كفاية أمور شخصية، وبوعدهم إني هقفل الصفحة دي خالص، وهغني احلى غنا”.
واردفت: “والله القرار اتاخد علشان عارف الضغوطات” وأضافت: “ده احنا هننزل دلوقت نروح ناكل في احسن أماكن في الدنيا،انا مستاهلش اعيش غير في النور”.
مشاركة الخبر: بعقد قران رسمي.. شيرين عبد الوهاب تعود لحسام حبيب وتعلق: ” ده حب حياتي” على وسائل التواصل من نيوز فور مي