فزورة أنا مين.. صاحب الطبلة اللى غنى لكل شبر وحتة في بلدي
يقدم اليوم السابع على مدار شهر رمضان فزورة بعنوان "أنا مين"، عن نجم من نجوم زمان عبارة عن معلومات عن حياته ومسيرته، وذلك من خلال تليفزيون "اليوم السابع"، وسنتلقى إجابتكم على حل الفزورة، التي تذاع يوم الإثنين والأربعاء والجمعة طوال شهر رمضان الجارى.
فزورة اليوم عن نجم كان علامة من علامات رمضان ومن أهم نجوم زمان، غنى لكل شبر وحتة من بلدى واتولد وسط أسرة بسيطة في حى السيدة زينب.
وهو صغير تعرض لإصابة نتيجة خطأ طبى وحرمته إنه يعيش طفولته بشكل طبيعي ولكنه كان مميزا وسط أصدقائه لدرجة إنه حفظ القرأن كله وهو عنده 10 سنين.
كان دائما يتابع أساطين الإنشاد والتلاوة ليتعلم منهم ويقلدهم لدرجة إن مامته كانت تشتري له أسطوانات قديمة من الروبابكيا.
لما كبر كان صوته جميل جدًا فقرر إنه يروح يقدم في الإذاعة المصرية وفعلاً أتقبل وعمل أول أغنية ليه من ألحان عبد العظيم عبد الحق.
هو مش بس بطل فزورتنا هو بطل حقيقى اشترك في التعبئة الجماهيرية للمقاومة الشعبية أيام العدوان الثلاثى.
قدم لنا أحلى ميكس في رمضان هو والشاعر فؤاد حداد وكانت عبارة عن حلقات بيوصف فيها حياتنا على صوت طبلته الحلوة وكانت أوقاتنا بتحلو معاه.
لحن لنجوم كتير جدًا منهم أم كثوم ونجاة و ليلى مراد وشريفة فاضل وكان صاحب أشهر تترات مسلسلات الراديو والتلفزيون ده كان حتى صاحب الليلة اللى كانت كبيرة جدًا.
بطل فزورتنا ياما غنينا على ألحانه واتعلمنا من حكاياته .. ويلا بقى الدرس انتهى لموا الكراريس، قولنا هو مين وإيه أكتر أعمال حبيتها ليه .. وتوتة توتة خلصت الفزورة.
مشاركة الخبر: فزورة أنا مين.. صاحب الطبلة اللى غنى لكل شبر وحتة في بلدي على وسائل التواصل من نيوز فور مي