زينب غريب عن إطلالتها فى مهرجان الجونة: ألبس كدة أحسن ما أكون fake
أثارت الفنانة الشابة زينب غريب حالة من الجدل الواسع بسبب إطلالتها المختلفة والمثيرة من خلال فعاليات الدورة الرابعة من مهرجان الجونة، وارتدت زينب فى حفل الافتتاح فستانا أرجوانيا غير تقليدى، وفى اليوم التالى ارتدت جاكيث أسود مفتوحا من الصدر، وبنطلون شفاف من اللون البنفسجي، وتزينت بحقيبة على الوسط من الجلد الأسود، مع تصفيف شعر غجري وقليلاً من المكياج.
وتعليقًا على الجدل المثار حول إطلالاتها قالت لـ"اليوم السابع": "لم أتعمد لفت الانتباه، النجوم الأجانب يرتدون ما يحلو لهم، وده اللي عملته" وتابعت: "أنا اللي بحبه بلبسه في أي وقت واي مكان، غير مهتمة بالبراندات، وكنت حابة ألبس حاجة قريبة من شخصيتي".
وأوضحت أنها اختارت ملابسها بعد جلسة عمل مع مختصين قائلة: "قبل أي شيء كنت حابة أفهم شخصيتي عاوزة أيه، وكنت حابة أظهر بملابس بتجمع كذا كراكتر، من بنت بتحب الرقص لبنت زي الغجر لبنت تانية تعيش في عالم فانتزي".
وتابعت غريب: "الفنان إنسان آخر حاجة بيعبر بيها عن اللي جواه هو الكلام، وبيستخدمها كآخر وسيلة، فيه وسائل تانيه تعكس عن اللي جوانا منها اللبس"
وعن رسالتها التي وجهتها بتلك الإطلالة قالت: "بحاول أقول دايمًا إن الست مش انطباع واحد، وإن الفنان حساس عنده جانب فني بيظهره طول الوقت" وأضافت "كتير حبوا ظهوري واني أكون واضحة وبعبر عن نفسي أحسن ما أكون لابسة فستان وFake"، مشيرة إلى أن التصميم من أعمال دنيا جابر وتنفيذ غالي.
مشاركة الخبر: زينب غريب عن إطلالتها فى مهرجان الجونة: ألبس كدة أحسن ما أكون fake على وسائل التواصل من نيوز فور مي