صاحبة فيديو الأم الباحثة عن عروس لابنها: "لقيت له عروسة فى نفس الفرح"
قالت أحلام "أم عمرو"، صاحبة فيديو الأم الباحثة عن عروس لابنها، إنها وجدت عروس في نفس الفرح، مردفة: "لقيت له عروسة في نفس الفرح، شاورتله عليها وغمزتله، والسقفة مش عشان الفرح دي كانت عشان عمرو، لما قالى خلاص ماشي".
وأضافت، خلال مداخلة هاتفية ببرنامج "حضرة المواطن"، على فضائية "الحدث اليوم"، مع الإعلامى سيد على: "لما راح البيت قالى كنت بصورك هنزلها على النت؟، قلتله نزلها يا عمرو، ودخلت نمت لقيت الناس كلها بتتكلم عن الفيديو".
وتابعت: "البنت عسولة وبنت ناس طيبين وكويسين جدا، هى جات صدفة كده، هى فى الحقيقة حلوة ومكنتش أعرفها، وأنا مجوزة خمسة، وزوجات أولادى بيحبونى".
من جانبه، قال الابن عمرو، مهندس صوت في قناة فضائية، إنه خطب ثلاث مرات من قبل، ولكنه لم يوفق، مردفا: "لكن أمى قالتلى عاوز أجوزك، قلت لها أما أشوف، زي ما جوزتى خمسة أخواتى أكيد هتختاريلى عروسة حلوة، وهى عاوزة تخلص منى، عشان عامل لها دوشة فى البيت، وهنروح الجمعة الجاية".
مشاركة الخبر: صاحبة فيديو الأم الباحثة عن عروس لابنها: "لقيت له عروسة فى نفس الفرح" على وسائل التواصل من نيوز فور مي