ماذا لو عاد معتذرا؟ اعرف الفرق بين رد فعل الشباب والبنات على عودة "الإكس"
انتشر مصطلح "الإكس" بين الشباب فى الفترة الأخيرة ويقصد به الإشارة إلى الحبيب السابق أو ex lover والذى انقطعت علاقتنا العاطفية معه، سواء كان هذا الانفصال دون رجعة، أو كان هناك احتمال للوصال مرة أخرى. ويظل الكثيرون فى انتظار اعتذار واحد من الحبيب السابق، إما لمواصلة العلاقة مرة أخرى أو فقط لتبرد نارهم من الجرح القديم. لذلك سألنا عدد من الشباب "ماذا لو عاد الحبيب السابق معتذرًا؟" كيف يكون رد فعلهم؟
حيرة بين الكرامة والحب
البنات فى حيرة بين الكرامة ومنحه فرصة ثانية
تباينت ردود أفعال الكثير من الفتيات حول السؤال المطروح حيث قالت آية.أ صاحبة الـ 27 عامًا، إنها من شدة حبها لذلك الشخص فهى مستعدة لمنحه فرصة ثانية، وتابعت: "يمكن يكون حس بغلطته، وعرف قيمتى، خاصة أن بعدنا كان لسبب تافه".
فرصة تانية
أما سمر. إ صاحبة الـ 25 عامًا قالت: "مع إنى بحبه لحد دلوقتى، بس فيه حاجات ماينفعش نسامح فيها، زى إهانة الكرامة والتقليل من الطرف التانى"، وتابعت: "مش بيبطل يحاول يرجع، واديته فرص كتير وكل مرة بيبقى أسوء من اللى قبلها، المرة دى لأ".
لحظة الفراق
وجاء رد مى. ح صاحبة 34 عامًا مختلفًا بعض الشيء حيث قالت: "ممكن يكون رجوعه فرصه انتقم منه، وأحسسه نفس أحساسى ساعة فراقنا"، وتابعت: "كتير من البنات بعد رجوع الحبيب السابق بيحاولوا يتغيروا معاه بشكل كبير، عشان يحس فرق النعمة اللى كان فيها، وغالبا بيسيبوا بعض تانى".
رؤى. م صاحبة الـ27 عامًا قالت إن رجوع شخص قد أنهيت علاقتك به عن اقتناع ليست إلا فرصة أخرى لتلقى طعنة أخرى قائلة: "لا يلدغ مؤمن من جحر مرتين، ازاى يبقى ربنا نجانى من علاقة مرهقة وأفكر لو رجع هعمل ايه، أنا مش هديله فرصة يرجع أصلاً".
الشباب بين "خلى بالك دا كمين" و"زيادة الخير خيرين"
اختلفت ردود فعل الشباب حول رجوع الحبيبة السابقة حيث قال أحمد. أ صاحب الـ40 عامًا، إن معظم الرجال يحبون الشعور بأنهم مرغوبون قائلا: "بالنسبة لكتير منهم بيتقال إن زيادة الخير خيرين، الولاد مش بيدوا فرصة ويستنوا الحبيبة القديمة ترجع، على طول بيعرف غيرها وغيرها، ولو رجعت مش هيقول لأ"، وتابع: "مفيش إخلاص 100% ولا حتى في البنات كله بيدور على راحته وده بالنسبة لى أحسن شيء".
انفصال
أما عن محمد. س صاحب الـ31 عامًا قال: "لا طبعا، ده كمين وممكن جدا توقع بينى وبين صاحبتى الجديدة لأن الموقف ده حصل معايا"، وتابع: "مرة حبيبتى القديمة حبت ترجع لى، ويادوب رديت عليها فى الرسالة عادى، أخدتها وبعتت للبنت اللى مرتبط بيها وقتها اسكرين شوت وكانت مصيبة" وأضاف: "البنات متقدرش تحدد سبب رجوعهم إيه بالظبط، بس اللى متأكد منه أن أخر حاجة يكونوا راجعين عشانها هى الحب".
ماذا لو عاد الإكس معتذرا
جاء حديث معتز. م صاحب الـ35 عامًا محملا بنبرات الألم والحزن حين تذكر حبيبته السابقة، وتذكر لحظات الحب التي جمعتهما والتى تكللت بالخطبة والتحضير للزفاف فقال: "نفسى ترجع، وأنا والله ما هكرر اللى عملته وأبعدها عنى، بقالى أكتر من 5 سنين مش عارف أنساها".
فسخ خطبة
وتابع: "ارتبطت وعرفت بنات كتير بعدها، لكن مفيش واحدة قدرت تملى مكانها أبدا، لكن لو رجعت هطلب منها تسامحنى بس".
رجل نادم
مشاركة الخبر: ماذا لو عاد معتذرا؟ اعرف الفرق بين رد فعل الشباب والبنات على عودة "الإكس" على وسائل التواصل من نيوز فور مي