الماكيير محمد عشوب: لما هالة فؤاد ماتت أحمد زكي قال “أنا اللي قتلتها”

قال الماكيير والمنتج الشهير محمد عشوب، أن خبر وفاة الفنانة هالة فؤاد، كان بمثابة صدمة كبيرة لطليقها الفنان أحمد زكي، حيث أراد إلقاء نفسه من السطح حزنًا عليها.

وأضاف “عشوب” خلال لقاءه في برنامج “نص الكلام” مع المذيعة راغدة شلهوب: “لما توفت رحمة الله عليها كنا شغالين فيلم سواق الهانم وبنصور في حي الخليفة، اتصل هشام أخوها قالي أنها اتوفت، وقولت لمحمد السبكي إن هالة فؤاد ماتت، قالي ماحدش يجيب سيرة لأحمد لأنه فوق السطح وممكن يعمل مصيبة”.

وأضاف: “لقينا أحمد زكي كان بيهزر وبيضحك، جت ممثلة ثانوية قالتله هالة ماتت يا أحمد، قالها هالة مين، قالتله هالة فؤاد، جيبناه من سور السطح كان هيرمي نفسه، وقعد يقول ودوني ليها، خدناه أنا ومحمد السبكي، روحنا مستشفى الصفا لقينا الحاجة ياسمين الخيام، وسهير رمزي، ومدام شهيرة، الأخوات المحبين ليها، ودخل أحمد في حالة انهيار وقعد يقول أنا اللي قتلتها، أنا اللي موتها، وجوزها واقف، ياسمين وسهير قالوله اعمل حساب زوجها أرجوك، وقعدوا يهدوه وأخدناه ومشينا،

محمد عشوب: أحمد زكي لم يحب غير هالة فؤاد

واستطرد: ” وشهادة اتحاسب عليها إن أحمد زكي لحد ما مات لم يحب غير هالة فؤاد، وكل حب اقترب منه كان يبعد في أخر لحظة، في نجمة حضرت الفرح وعزمت الناس وفي الأخر هرب ماراحش، وهي اتجوزت حد أخر تاني يوم”.

وعن هذه النجمة قال: “الممثلة هي نجلاء فتحي، هي بتحبه وهو بيحبها وكان بيعمل أقصى ما في جهده ليسعدها، وكل ما يفكر يقرب للزواج يلاقي حاجة حايشاه، وهو قالي أنا عمري ما هلاقي بنت أطهر وأعظم من هالة فؤاد”.

مشاركة الخبر: الماكيير محمد عشوب: لما هالة فؤاد ماتت أحمد زكي قال “أنا اللي قتلتها” على وسائل التواصل من نيوز فور مي