بتلقح على زميلتها.. ياسمين عز: مش بنام شايلة ذنب إني قومتك على جوزك

قالت الإعلامية ياسمين عز، أنها تشعر براحة الضمير لأنها تدعو إلى السكينة بين الزوجين، ولم تسبب في وقوع المشكلات بين الأزواج.

وأضافت “ياسمين” خلال حلقتها في برنامج “كلام الناس” المُذاع على فضائية MBC مصر: “الحمد والشكر لله بنام وضميري مرتاح وفي حالة سكينة، لإني بدعو للسكينة والتقدير والمودة والاحترام، وإن البيت يفضل عامر بيكم”.

وأضافت: “عمري ما هنام وأنا شايلة ذنب إني سخنتك وقومتك على جوزك وخربت بيتك بكلامي وأنا عايشة حياتي بالطول والعرض، ويا رب بيوتكم كلها تكون عمرانة بالحب، ويرزق كل راجل بست تستحمله وتشيله في عينيها”.

ياسمين عز للبنات: أنا زيكم بقول حاضر ونعم

واستطردت ياسمين عز: “عايزة أقول حاجة للبنات الصغيرة اللي بتتفرج علينا ومنبهرة بينا على الشاشة، إحنا في بيوتنا بنقول زيك بالظبط حاضر ونعم زي ما اتربينا، وزي ما شوفنا أهلنا كانوا بيتعاملوا إزاي، أنا مش بطلع على الشاشة أقولك عكس اللي بعمله في بيتي.

وتابعت: “وبقولك كدة عشان ماتتخدعيش، وتفتكري إن البنت الغنية المشهورة تفكري أنها ممشية الكون على مزاجها، لا هي زيك بتقول حاضر ونعم وبتسمع الكلام”.

مشاركة الخبر: بتلقح على زميلتها.. ياسمين عز: مش بنام شايلة ذنب إني قومتك على جوزك على وسائل التواصل من نيوز فور مي