قالتله اهدا شوية.. هجوم على شيرين عبد الوهاب بعد تصريحها عن المطرب النقاش

تعرضت الفنانة شيرين عبد الوهاب، لهجوم من قِبل مستخدمو مواقع التواصل الاجتماعي، بسبب طريقة حديثها عن المطرب النقاش، والتي وصفها الكثيرون بغير اللائقة.

وقالت “شيرين” خلال لقائها في برنامج “صاحبة السعادة” تقديم إسعاد يونس، والمُذاع عبر قناة dmc: “المطرب النقاش أحمد سالم بيغني زي ما أنا كنت بغني زمان، اللي هو كتير أوي ده، ياعم بالراحة انت مش بتدهن بوية، استنى بس بالراحة شوية، هو لازم يتلجم”.

شيرين عبد الوهاب: بنحضر صوت هيكون عندليب جديد

وعن المواهب الجديد قالت شيرين عبد الوهاب: “في صوت جديد بنحضره لسة، بندلعه نقوله يا دودي، صوته حلو أوي وبحاول أشاركه إني أعرفه إيه هو تراثه، لأن الشباب الجديد مايعرفش تراث بلدنا، أنا كنت محظوظة إني اتعرفت على ناس كبار علموني”.

وتابعت: “أنا بعمل مع دودي كدة دلوقتي، ده صوت أنا شايفة أنه هيكون عندليب جديد في مصر، إحنا لسة بنجهزه، وكمان بحب ياسمين علي لأن عندها حاجة زي ماجدة الرومي أنها بتعرف تغني وهي بتبتسم وحاسة بقيمة نفسها”.

مشاركة الخبر: قالتله اهدا شوية.. هجوم على شيرين عبد الوهاب بعد تصريحها عن المطرب النقاش على وسائل التواصل من نيوز فور مي