رحيل فيريرا عن الزمالك.. ميدو يفجر مفاجأة غريبة

حذر لاعب الزمالك السابق والإعلامي أحمد حسام ميدو، من رحيل المدرب البرتغالي جيسوالدو فيريرا، عن نادي الزمالك خلال الفترة المقبلة.

وقال “ميدو” خلال حلقته من برنامج “البريمو” المُذاع عبر قناة المحور: “المفروض الزمالك يعمل مصدات لفيريرا، والناس تدافع عنه 24 ساعة، لأنه غير قابل للمس في الزمالك، مافيش هزار، جمهور الزمالك ما صدق إن مدرب عنده خبرات مابيتكلمش في ميديا كتير ولا بيدخل في صدمات مع حد”.

وأضاف: “لغاية موقف الكابتن جمال عبد الحميد، مجلس الإدارة ماشي كويس مع فيريرا، من أول يوم وصل فيه مديله كل الصلاحيات، سايبين أمير اللي يتعامل معاه، مافيش ردود أفعال بتطلع زي قبل كدة، ولكن بطالب رئيس النادي أنه يمنع أعضاء مجلس الإدارة من الإدلاء بأية تصريحات إعلامية تخص الفريق، عشان الزمالك ما يكررش أخطاءه تاني، كل ما يبني فريق جامد ويبقى معاه مدرب جامد، الزمالك هو اللي بيوقع نفسه، ولكن الجمهور صاحي وقاري، لو الحنفية اتفتحت على فيريرا مش هيصبر”.

ميدو: فيريرا كان معتزل التدريب ورجع عشان الزمالك

واستطرد: “فيريرا كان معتزل التدريب وكان مش عايز يدرب ولكن رجع عشان الزمالك، ولو لقى إن الزمالك هيمثله ضغط نفسي، وانتقاد من مجلس الإدارة هيمشي”.

وتابع: “أنا متأكد إن الأهلاوية سعداء بتصريحات كابتن جمال عبد الحميد، بيقولوا أهو ده الزمالك هو اللي هيوقع نفسه بنفسه”.

مشاركة الخبر: رحيل فيريرا عن الزمالك.. ميدو يفجر مفاجأة غريبة على وسائل التواصل من نيوز فور مي