بيشوف بإيده وإحساسه محمد أشهر فنى بوتاجازات وسخانات فى منطقته بيشتغل وهو كفيف وعصايته رفيقته فى الطريق ويؤكد الناس بتستغربنى بس بيتسبطوا بالشغل بتاعى وبعمل فيديوهات توعية بالمكفوفين على النت

بيشوف بإيده وإحساسه.. محمد أشهر فنى بوتاجازات وسخانات فى منطقته.. بيشتغل وهو كفيف وعصايته رفيقته فى الطريق.. ويؤكد: الناس بتستغربنى بس بيتسبطوا بالشغل بتاعى.. وبعمل فيديوهات توعية بالمكفوفين على النت

تم نشره منذُ 7 شهر،بتاريخ: 30-08-2020 م الساعة 06:00:42 الرابط الدائم: https://newsformy.com/news-214491.html في : أخرى ومتنوعة    بواسطة المصدر : اليوم السابع

بأصابعه وإحساسه فقط استطاع أن يتقن عمله ويكون بارعا وموهوبا فيه، فلم تكن نعمة البصر التى حرم منها عائقا أمام حياته ومستقبله، بالعكس أثبت للجميع أن النور فى القلوب والعمل بالإحساس والتركيز قد يكون أفضل من البصر فى بعض الأحيان وأصبح محمد أشهر فنى سخانات وبوتاجازات فى منطقته وهو كفيف.

"الناس بتستغرب إزاى كفيف وبشتغل فى الأسلاك والكهرباء وبسلم الشغل كويس، ميعرفوش إنى بتعامل بإحساسى وأيدى ومش محتاج أكتر من كدا"، هو ما قاله محمد الذى يبلغ من العمر 33 عامًا وقال لـ "اليوم السابع" الحكاية بدأت من ساعة ما اتولدت كان عندى ضمور فى العصب البصرى وده بالتدريج لما الطفل بيكبر بيحصل فقدان للبصر وده حصل عندى فى سن الـ 24 سنة مش بشوف غير الضوء بس".

وأضاف: "وانا 17 سنة اشتغلت فى محل أجهزة كهربائية وصيانة، وحبيت الشغلانة جدًا وحاولت اتعلمها بس هما رفضوا يعلموهالى عشان خايفين عليا، وكنت ساعتها بشوف بنسبة 10% بس، وبعدين قررت إنى هصلح أجهزة لناس قرايبى وجيرانى وبتعمل من خلالها كل حاجة قعدة  7 سنين بتعلم".

وتابع: "فيه ناس بروحلها مبتبقاش عارفة إنى كفيف أصلاً وبيفضلوا ساكتين، وبتستغرب إزاى كهربائى كفيف لأن فيه أسلاك وألوان كتير فيها بدخل عند العميل وبسأله وبعملها بعدها وبشتغل وببقى حافظ كل حاجة لونها أيه، اتعرضت طبعًا لخطورة واتكهربت كتير بس بعد ما بخلص من العميل بيبقى منبهر بالشغل".

واستطرد حديثه قائلا: "من ضمن المواقف المحرجة اللى اتعرضت  ليها لما رحت لعميل ميعرفش أنى كفيف وركبت العربية كان فاكرنى طبيعى، نزلنا من العربية قلتله بعد إذنك ممكن إيد حضرتك وحاولت أقرب منه مشى وسابنى ومكنش كل ده فاهم إنى كفيف لما دخلت البيت سألته فين مكان السخان قالى ليه قلتله أنا مش شايف وبشتغل وأنا كفيف قالى إنت هتشتغل إزاى كدا يعنى دة خطر ومش أمان".

وعن حياته الأسرية قال محمد: "أنا الحمد لله متزوج وعندى بنتين بيساعدونى فى كل حاجة، وأنا طبعًا بعمل حاجات بنفسى سواء شاى أو فطار، وبعيدًا عن شغلانة الكهربا أنا بعمل فيديوهات على النت بوعى فيها الناس إزاى يتعاملوا مع الكفيف وفيديوهات تانية بعلم الشباب تصليح الأجهزة وفيه ناس كتير مبتبقاش مصدقة أصلاً الفيديوهات اللى بعملها".

وقال محمد: "لما بنزل من البيت بعتمد على العصاية بتاعتى وهى بتورينى كل حاجة وأغلب الوقت بحفظه، آه اتعرضت لخطورة كتير وقبل كدا وقعت فى حفرة بس الحمد لله بحاول أحفظ الطرق".

وانهى محمد حديثه قائلا: "الحمد لله دلوقتى فتحت مكتب خاص بيا لتصليح الأجهزة، ونفسى يكبر ويكون عندى محل كبير، ونفسى أطور فى القناة بتاعتى،  واعمل دورات تدريبية للشباب فى تصليح الأجهزة، وعاوزة أقول للمكفوفين متستسلمش ولازم تخرج وتحقق أحلامك وتتعامل بشكل طبيبعى وتواجه متخافش انك تواجه الصعوبات موجودة وانت جوا البيت وبرا البيت".


مشاركة الخبر: بيشوف بإيده وإحساسه.. محمد أشهر فنى بوتاجازات وسخانات فى منطقته.. بيشتغل وهو كفيف وعصايته رفيقته فى الطريق.. ويؤكد: الناس بتستغربنى بس بيتسبطوا بالشغل بتاعى.. وبعمل فيديوهات توعية بالمكفوفين على النت على وسائل التواصل من نيوز فور مي

local_library إقرأ أيضاً في آخر الأخبار

قرأت لك حرر نفسك كيف تنتصر على مونولوج الهزيمة الذاتية

قرأت لك حرر نفسك كيف تنتصر على مونولوج الهزيمة الذاتية

visibility 24 منذُ 9 دقائق

نلقى اليوم الضوء على كتاب حرر نفسك واخرج مما فى رأسك كى تعيش حياتك ل جارى جون بيتشوب والذى يحاول دفعنا للانتصار فى...

تعرف على طرق علاج التنقيط الأنفى الخلفى فى المنزل أبرزها شرب السوائل

تعرف على طرق علاج التنقيط الأنفى الخلفى فى المنزل أبرزها شرب السوائل

visibility 24 منذُ 9 دقائق

التنقيط الأنفي الخلفي مشكله صحية تحدث عندما يتساقط المخاط في الحلق أو في خلف الأنف المصدراليوم السابعتعرف على طرق علاج...

صواريخ روسيا الفضائية المتعددة الاستخدامات ستحصل على أنظمة أمان مميزة

صواريخ روسيا الفضائية المتعددة الاستخدامات ستحصل على أنظمة أمان مميزة

visibility 21 منذُ 12 دقائق

كشف كبير المصممين القائمين على مشروع تطوير صواريخ آمور الروسية إيغور بشينيتشنيكوف بعض التفاصيل الإضافية حول آلية عمل...

أمريكا ترصد تصعيدا من قبل روسيا

أمريكا ترصد تصعيدا من قبل روسيا

visibility 21 منذُ 24 دقائق

أعلنت وزارة الخارجية الأمريكية أنها رأت تصعيدا لا مبرر له من قبل روسيا في البحر...

رئيس ريال مدريد يحسم الجدل حول عودة رونالدو ويبشر الجماهير بشأن مبابي
رئيس ريال مدريد يحسم الجدل حول عودة رونالدو ويبشر الجماهير بشأن مبابي
visibility 17 منذُ 36 دقائق

كشف فلورنتينو بيريز رئيس ريال مدريد ورئيس بطولة دوري السوبر الأوروبي المستحدثة والتي أثارت ضجة الأيام الماضية موقفه من...

تعرف على طرق علاج الصداع المصاحب للحموضة إنقاص الوزن الأبرز
تعرف على طرق علاج الصداع المصاحب للحموضة إنقاص الوزن الأبرز
visibility 25 منذُ 39 دقائق

الصداع عرض لوجود مشكلة صحية أخرى وهناك نوع من الصاع مصاحب لأعراض الجهاز الهضمي مثل ارتداد الحمض أو الحموضة المصدراليوم...

widgets إقراء أيضاً من اليوم السابع

مسنان يديران مغسلة يصبحان نجوما على السوشيال بسبب ملابس الزبائن اعرف الحكاية
الملكة إليزابيث تغير بروتوكول الاحتفال بعيد ميلادها فى عامها الـ95
أغرب قصة طلاق متداولة على السوشيال ميديا مأذون ينصح كل متزوج يخلى باله من فانلته
أم بريطانية تروي تجربتها مع طفلها بعد ولادته بلا أرجل وذراع واحد صور