سألنا الشباب والبنات.. الراجل الشيك يتعرف من إيه؟ النظافة والجنتلة أبرز الإجابات

تختلف طريقة تكوين كل شخص منا الانطباع الأول عن الآخرين، فأول ما يلفت نظر البعض للآخرين قد يكون الكاريزما أو الملابس أو الحذاء أو الإكسسوارات وقد تكون الابتسامة أو طريقة التعامل. لذلك طرحنا سؤالاً على عدد من الفتيات والشباب حول أهم ما يلفت نظرهم فى إطلالة الرجل وكيف يكونون انطباعًا عنه أنه "شيك وجنتل".

رجل شيك

"النظافة والجنتلة" بالنسبة للفتيات

منى. م صاحبة الــ 25 عامًا قالت عن عدة اشخاص التقت بهم في الفترة الأخيرة أن كل شخص منهم كان "شيك" بطريقته الخاصة، وأوضحت: "مش شرط الراجل يلبس غالي أو براند عشان يبان شيك، لو لبسه متناسق ده كفاية"، وتابعت: "اتصدمت من شخص كنا فى مشروع ارتباط، بيلبس غالي جدًا، لكن كان قليل الذوق في تعامله مع الويتر أو أي حد هو متفوق عليه اجتماعيًا، وممكن يتخانق معايا لو قلت له اديه بقشيش".

وعن السبب الأكبر لرفض الارتباط به قالت منى: "الراجل الشيك ميتعاملش بتعالي مع حد، ويقدر كل اللي حواليه، ويتعامل مع اللي أقل منه بأدب واحترام". 

رجل شيك

إسراء. ف صاحبة الـ 28 عامًا قالت عن الرجل الشيك إنه لابد وأن يجعلها تشعر بالتقدير، فيفتح الباب لها عند  دخول أي مكان، ويفتح لها باب سيارته، وأرادت أن تعيش في الزمن الجميل قائلة: "نفسي ارتبط براجل شيك، لما يسلم عليا يبوس إيدي زي الأفلام".

يقبل يد زوجته

وتابعت: "النضافة الشخصية تدل على اهتمام الراجل بنفسه، وده شيء بيسعد الست اللي معاه، ومتضطرش تعمل مجهود بعد ما تتجوزه لأن بيكون متعود على النضافة".

يفتح لها باب السيارة

اما صفاء. ج صاحبة الـ 34 عامًا قالت: "الحنية والطيبة تخلي الراجل مهما كان مستواه يبان شيك قدام حبيبته، طبعا المظهر مطلوب لكن الطبع هو اللي بيعيش اكتر"، وتابعت: "لو بصينا من برة بقى يبقى جزمته وريحته، لو جزمته بتلمع اعرفي على طول إنه ابن ناس وشيك".

حذاء لامع

الرجال يعترفون "الحنية والاحتواء" هما اللي يكسبوا
 

كان للرجال رأي مختلف بعض الشيء فقال محمود. ج صاحب الثلاثون عامًا أن الرجل لا يصبح بمظهر "شيك" أو محترم مع الفتاة لو جعلها تدفع فاتورة وهو معها قائلا: "الراجل لازم يصرف من الألف للياء، لو لبانة اشتريها، ودي الشياكة"، وتابع: "مهما كان الراجل شيك وبيلبس غالي هيسقط من عين البنت لو خلاها تدفع حساب حاجة وهي معاه، ده طبعا لو كانوا مرتبطين"

الأحتواء

اما عن محمد. ع قال: "الراجل الشيك اللي ميبصش لست غير اللي معاه، ساعتها هتحترمه وهيبقى في نظرها أحسن من أي حد"، وتابع: "مننكرش أن المظهر مطلوب، بس اعتقد أن تفكير البنات بقى مختلف عن زمان كتير، ومبقوش سطحيين في ارتباطهم مع أي شخص"

شياكة

فى المقابل قال أحمد. ع 22 عامًا : "اللبس براند والساعة بتخلي البنت تنبهر وتفرح، وياسلام لو معاه عربية أحدث موديل"، وتابع: "مع الأسف لسة فيه بنات بسبب أهاليهم وتطلعاتهم بيبصوا للمظاهر، حتى لو هتتضرب كل يوم علقة بس مدام مع راجل شيك وحلو وغني هتستحمل عادي".

الرجل الشيك

مشاركة الخبر: سألنا الشباب والبنات.. الراجل الشيك يتعرف من إيه؟ النظافة والجنتلة أبرز الإجابات على وسائل التواصل من نيوز فور مي