شاهدوا خناقة لقاء الخميسي وريهام سعيد علي انستجرام .. الدنيا دوارة

أثارت الإعلامية ريهام سعيد غضب جمهورها من خلال عرض حلقة ” صيد الثعالب ” التي قامت بتقديمها للمرة الأولى على الإطلاق، وكانت حديث الكثير من رواد مواقع التواصل الاجتماعي منذ يوم الأربعاء وإلى وقتنا هذا ومن أكثر التعليقات التى كانت شديدة بعض الشئ وقامت المذيعة ريهام سعيد بالرد عليها هو تعليق الفنانة ” لقاء الخميسى “.

مشادة بالألفاظ بين الاعلامية ريهام سعيد والفنانة لقاء الخميسى

قالت ريهام معلقة على هجوم لقاء لها عبر انستجرام قائلة “نكدب على الناس ونوريهم طريقة صيد غلط؟، طب الحمد لله ان احنا اكتشفنا انهم بيتعذبوا كده وبطلي تلبسي جاكيتات بالآلاف عشان يبطلوا يصطادوا الحيوانات دي، وعلى فكرة انتي بتاكلي حمام وهو بيتضرب بالنار وبتطلعي سمكة من المية وبتشوفيها وهي بتطلع في الروح وتاكليها، وبتدبحي الجاموسة وبتصطادي الفار وبتقفلي المصيدة على ديله، أي طريقة صيد مؤلمة”.

كما أضافت أن الإعلام دوره الأساسي هو عرض أي حاجة وأي مهمة بسلبياتها وإيجابياتها إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متأكدة أنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطة بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع”.

أما عن لقاء فقامت بالرد قائلة أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح (لا لتعذيب الحيوان أو أي كائن حي) بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأي مكان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان”.

وفي تعليق أخر، كتب المسؤول عن صفحة “لقاء”: “غير مقبول نهائي ألفاظ خارجة ولا تليق من مقدم البرنامج أو البرنامج أو القناة، الكلام واضح وصريح، شكرا لاحترام الآراء بدون اهانات”.

وأثارت المذيعة ريهام سعيد، جدلا كبيرا، بعد حلقة برنامجها صبايا الخير، بعدما اصطادت على الهواء مباشرة ثعالب برية عبر نصب الفخاخ لها.

من ناحية أخرى، أعلنت “شبكة قنوات النهار” اعتذارها للمشاهدين، عن حلقة أمس من برنامج “صبايا الخير”، والتي كان هدفها فقط تسليط الضوء على نشاط صيد الحيوانات في مصر، وتصديرها للخارج.

مشاركة الخبر: شاهدوا خناقة لقاء الخميسي وريهام سعيد علي انستجرام .. الدنيا دوارة على وسائل التواصل من نيوز فور مي