اه منك يا فوفة .. أول تعليق لها بعد أنباء تدهور حالتها الصحية

تحدثت الفنانة فيفي عبده في مداخلة هاتفية في برنامج التاسعة الذي يتم إذاعته على القناة الاولي من تقديم الإعلامي وائل الإبراشي والإعلامية نجوى إبراهيم وكشفت عن تفاصيل حالتها الصحية بعد تداول أخبار عن تدهور حالتها.

الفنانة فيفي عبده تعلق على أخبار تدهور حالتها الصحية:

وأكدت الفنانة فيفي عبده انها تتلقى العلاج منذ ستة أشه، ولكنها كانت تخفي حقيقة مرضها على الجمهور حتى لا تثير القلق وقالت مكنتش عايزة أقول وكنت بطلع لايف بس لما اتحسنت شوية أعلنت أنا مكنتش بقدر أتحر، ولا في سبب ولا أي حاجة.

وأضافت وأنا نازلة من السرير حاجة ضغطت على عصب رجلي وألمها فظيع جدا مكنتش بطيق أتكلم مع حد ولما بقيت كويسة كان لازم أطمن جمهوري وأنا مش عيانة للدرجة دي أنا بقعد وبتكلم وكل حاجة وكل مرة كنت بقول للجمهور أنا طالعة أونلاين ومكنتش بطلع.

وتابعت كلامها وقالت فالجمهور حس إني كدابة فكان لازم أقولهم إني تعبانة فعلا أنا مش عيانة للدرجة دي هو بس رجليا بالنسبة للرقص اللي كنت بعمله في البيت أو الحاجات دي لكن أنا بقعد وبتكلم وكل حاجة هما هولوا الموضوع أوي.

وردت الفنانة فيفي عبده على سؤال الإعلامية نجوى إبراهيم حول تعرضها للحسد وقالت العين مذكورة في القرآن ومش لاقيالها حل والخرزة الزرقاء بنسى ألبسها والبيت مليان خرز أزرق وخلال الحديث عن الراقصات الأجنبيات.

فقد قالت دول زمبلك ملهمش في الرقص الشرقي أنا سيبت الأفراح بقالى فترة وبكتفى أطلع مع جمهوري من بيتي وأضافت أنا مش ضد الراقصات الأجنبيات احنا اللي بنعلمهم لكنهم مبيقدموش فن ومش عارفة مين لورديانا دي.

مشاركة الخبر: اه منك يا فوفة .. أول تعليق لها بعد أنباء تدهور حالتها الصحية على وسائل التواصل من نيوز فور مي