فايزة سائقة نقل وحاملة طوب وقصة كفاح عمرها 25 سنة اكتسبت قوتى من الدنيا

فايزة سائقة نقل وحاملة طوب وقصة كفاح عمرها 25 سنة: اكتسبت قوتى من الدنيا

تم نشره منذُ 3 سنة،بتاريخ: 19-12-2020 م الساعة 06:01:23 الرابط الدائم: https://newsformy.com/news-401256.html في : أخرى ومتنوعة    بواسطة المصدر : اليوم السابع

"يا ستاتك يا مصر"، جملة تتردد بين الحين والآخر عندما نرى سيدة مصرية تحمل من العزة والقوة ما يميزها عن الأخريات، فالمرأة في كل العصور هي الجنس اللطيف الرقيق والراقى، ولكن في قصتنا امرأة من نوع آخر ظهرت قوتها منذ صغرها، تحملت الشدائد التي يمكن أن يعجز عنها الرجال.. هى "المعلمة فايزة" التى تعمل سائقة سيارة نصف نقل في أحد مصانع الطوب بمنطقة وادى نطرون.


المعلمة فايزة

منذ 25 عامًا تعمل المعلمة فايزة سائقة لسيارة نص نقل في منطقة وادى النطرون، تنقل الطوب للبناء من المصانع للعملاء، سنوات عديدة مرت عليها في عمل جاد، تستيقظ منذ الساعة الـ،3,30 فجرًا لتبدأ يومها.. "اليوم السابع " كان له لقاء مع "المعلمة فايزة" روت خلاله قصة كفاحها، فقالت: "الناس في بلدنا مايعرفوش غير المعلمة فايزة راحت المعلمة فايزة جت، بس ده كله مش من فراغ أنا بشتغل وأنا عندي 11 سنة، احنا ست بنات وولد، أبويا كان فلاح بسيط وعامل باليومية وأمى كانت ست عادية بس تحملت المسئولية الكبيرة مع أبويا، كانت بتشتغل في كل حاجة في مصانع الطوب والعمالة الزراعية، عشان تساعد أبويا على المعيشة، الفقر والعوزة أجبرنا على الشغل وتحمل المسئولية".


المعلمة فايزة 

وأكملت ابنة محافظة كفر الشيخ حديثها قائلة: "أنا اشتغلت عاملة في المباني شلت قصعة الأسمنت واشتغلت ورا البنايين أشيل الطوب على دماغي، واشتغلت عاملة زراعة، وأنا في سن الـ19 سنة طلعت أنا وأختى فكيهة نشتغل بره البلد فروحنا سينا وبنى سويف كنا شغالين في الضغط العالى عمالة تبع شركة، في التوقيت ده أختى علمتني السواقة ولاقيت نفسي فيها حبتها جدًا وقررت إنى أشتغل لوحدى، وجت الفكرة إنى أروح مصنع للطوب في وادى النطرون ومن ساعتها وأنا شغالة هناك، بقالي 25 سنة".


المعلمة فايزة 

بسبب المعيشة الصعبة والفقر في تلك الأسرة البسيطة لم تستسلم الفتاة لأحكام وتقاليد الريف، ومنع الفتاة الخروج من البيت والعمل في محافظة أخرى، تقول فايزة: "عوايد الفلاحين إن البنت ماتطلعش بره لكن الوضع اللى كنا فيه ماكنش يستحمل العوايد تقولك أسرة كاملة وأب تعبان ومصاريف 9 أفراد كان صعب إننا نسمع كلام العوايد، لكن دلوقتى بعد ما الحال اتغير وحصلت على محو الأمية وبقيت أفهم الدنيا كويس وبشتغل واتعامل مع الناس، كل اللى في البلد بقوا عرفونى وينادوني المعلمة فايزة راحت المعلمة فايزة جت".


المعلمة فايزة (4)

وتابعت ابنة الأربعين عامًا قائلة: "في الأول اشتغلت عند الناس وبعد فترة قلت ليه ما اشتغلش على عربية بتاعتى، روحت لأختى فكيهة لأنها الكبيرة وهى اللى تحملت المسئولية بعد أبويا الله يرحمه وقلتلها رحبت جدًا بالفكرة، وعملنا جمعيةه واشترينا العربية دى بالقسط، بشتغل أساعد في البيت وأسدد وأسدد الأقساط والدنيا ماشية".


المعلمة فايزة (5)

"شوف يابنى الانصاص قامت والقوالب نامت، شوف يابنى واحدة ست سايقة عرية نقل"، بعض من التعليقات التي كانت تسمعها "فايزة" في بداية عملها كسائقة، وتقول أيضًا: "الناس كانت مستغربة جدًا، كانت تقول هي دى ست ولا راجل، أخدت وقت طويل على ما الناس عرفتنى واتقبلتنى، لكن في ساعات مواقف تعليقات متضايقنى جدًا ممكن أطنشها وساعات ماينفعش بنزل أتعامل معاه وأحيانًا بتوصل للضرب، وضرب رجالى لازم أكون قد الموقف طالما رضيت أشتغل وأنزل الشارع للتعامل مع الناس بكل فئاتها".


المعلمة فايزة (8)

وقالت المعلمة فايزة: "اكتسبت قوتى من الدنيا.. الدنيا لازم تخليكى كده طالما نزلنا الشغل لازم نتحمل الصعاب ونعرف نتعامل مع الناس على كل لون، واتعلمت أعتمد على نفسي، ومافيش حاجة مستحيل كل حاجة مكن تتعمل، الست لما بتصر على الحاجة بتعملها حتى لو شاقة، المسئولية كانت على أمى بعد وفاة أبويا واتحملتها أنا واختى، علمنا أخوتنا وجوزناهم إلا الصغيرة لسه".


المعلمة فايزة (7)

وأكملت المعلمة فايزة: "اتعلمت إزاى أصلح العربية لو وقفت منى، بموقف ورا التانى بقيت متمكنة فيها، الست بسوق أحسن من الراجل وبتخاف من الطريق وبتبقى ملتزمة مش عاوزة حد يضحك عليها، لكن في رجالة كتير متهورين ومابيعملوش حساب الطريق".

واستطردت فايزة قائلة: "فستان إيه عمرى ما لبست فستان، هو ده الفستان بتاعى، جلابتى خت عليها لو رايحة أى حتة مش بلبس غير الجلابية، لا فستان ولا روج وذواق ولا أسيب شعرى الحاجات دى مش عندنا أساسًا، أنا على طول في السوق في المصنع بشيل الطوب هسيب شعرى فين، وهسيب شعرى لمين مافيش حب ولا عشق ولا الكلام ده، مافيش فضي في شغل ومسئولية وأكل عيش وأسرة ورا منى، لو اتعوجت شوية ممكن تضيع منى، أنا كان نفسى أبقي متعلمة علام كويس أطلع دكتورة عالمة، ماكنش في واحنا صغيرين اهتمام بالدراسة الحال كان صعب ناكل ولا نذاكر".


فايزة تصلح سيارتها

وأنهت فايزة حديثها لليوم السابع قائلة: "عمرى ماقلت يارتنى ما اشتغلت ولا بقيت كدة الوضع اللى اتحطينا فيه مسئولية وجد مع الناس كلها، حتى سن الجواز عدى من غير ما اهتم ولا أخد بالي، المسئولية كبيرة وكان لازم أكون قدها، شخصيتى أنا فخورة بها وخصوصًا بعد ما علمت إخواتى وأختى فكيهة، وجوزناهم واستقلينا بحياتنا، وبنينا بيتا وحججنا أمنا، الحمد لله مش بتمنى حاجة تانى".


المعلمة فايزة (6)


المعلمة فايزة (7)


مشاركة الخبر: فايزة سائقة نقل وحاملة طوب وقصة كفاح عمرها 25 سنة: اكتسبت قوتى من الدنيا على وسائل التواصل من نيوز فور مي

local_library إقرأ أيضاً في آخر الأخبار

5 نصائح بسيطة لإنقاص وزنك والحفاظ على صحتك

5 نصائح بسيطة لإنقاص وزنك والحفاظ على صحتك

منذُ 16 دقائق

يعد الحفاظ على مؤشر كتلة الجسم الصحي BMI أمرا بالغ الأهمية للصحة العامة والرفاهية إن مؤشر كتلة الجسم المتوازن لا يقلل فقط...

لعبة Burger Bistro Story v147 - مهكرة

لعبة Burger Bistro Story v147 - مهكرة

منذُ 17 دقائق

نسخة مهكرة افتح مطعمك الخاص وأعد شطائر برجر مخصصة في لعبة محاكاة الإدارة هذه استعد لتجربة إحساس جديد بالوجبات السريعة...

الاحتلال يعدم 200 نازح في مجمع الشفاء بغزة

الاحتلال يعدم 200 نازح في مجمع الشفاء بغزة

منذُ 17 دقائق

قال المكتب الإعلامي الحكومي بغزة إن المعلومات المتوفرة لديه تفيد بأن جنود الاحتلال الإسرائيلي أعدموا أكثر من 200 فلسطيني ...

سحور يوم 19 رمضان ساندوتشات فول مخبوزة خفيفة ولذيذة

سحور يوم 19 رمضان ساندوتشات فول مخبوزة خفيفة ولذيذة

منذُ 17 دقائق

هناك العديد من أطباق الفول المدمس الذى ينتظره الكثير على مائدة السحور كونه مفيدا المصدراليوم السابعسحور يوم 19 رمضان...

بحضور اللواء العابسي شعبة التدريب بالمنطقة الثالثة تقيم أمسية رمضانية لضباط دورة قادة كتائب الخامسة
بحضور اللواء العابسي شعبة التدريب بالمنطقة الثالثة تقيم أمسية رمضانية ...
منذُ 17 دقائق

سبتمبر نت أقامت شعبة التدريب في المنطقة العسكرية الثالثة مساء الخميس أمسية رمضانية لضباط دورة قادة كتائب الخامسة...

لعبة キャラスト魔法学園 | シューティングアクション v261 - مهكرة
لعبة キャラスト魔法学園 | シューティングアクション v261 - مهكرة
منذُ 17 دقائق

نسخة مهكرة ماجيك أكشن آر بي جي حيث مغامرات ساحر صغير مبهجة لعبة الحركة السحرية من عملية سهلة تنمية الشخصية لعبة roguelite حيث ...

widgets إقراء أيضاً من اليوم السابع

سحور يوم 19 رمضان ساندوتشات فول مخبوزة خفيفة ولذيذة
6 نصائح عشان تربي ابنك حنونا ورحيما زى على وحسين فى مسلسل مسار إجباري
مسلسل فراولة  5 طرق لتقوية وحماية العلاقة الزوجية من الانفصال
مسلسل صدفة بعد إنقاذ منار إزاي تدعم شخص يحاول الانتحار ليعدل عن تفكيره