أتفه أسباب الخلافات الزوجية ما قاليش يرحمكم الله وحلمت إنه اتجوز بعدى

أتفه أسباب الخلافات الزوجية.. "ما قاليش يرحمكم الله وحلمت إنه اتجوز بعدى"

تم نشره منذُ 3 اسبوع،بتاريخ: 28-03-2021 م الساعة 05:31:10 الرابط الدائم: https://newsformy.com/news-546698.html في : أخرى ومتنوعة    بواسطة المصدر : اليوم السابع

لا يخلو منزل من الخلافات الزوجية، سواء كانت مشاكل كبيرة حقيقة أو تلك التي تحدث أحيانًا لأسباب تافهة ولا تستدعي حدوث خلاف بين الطرفين، لكن رغم ذلك يتعامل معها الطرفين على أنها حقيقية، ثم بعد انتهائها يتحول الموضوع لمادة للسخرية من تصرفاتهما، ولأن السوشيال ميديا أصبحت مكانًا يشارك من خلاله البعض تجاربهم الحياتية، فقد تحدثت بعض الزوجات عن أتفه أسباب الخلافات الزوجية، وإليكم أبرزها.

قالت "مروة": "في أول جوازي لقيته جاي بيتخانق معايا عشان لما عملت البيض رشيت الملح والفلفل عليه، وهو شايف إني كان المفروض أرشه على صفار البيض بس لكن الباقي لأ، وكانت خناقة كبيرة، وحاجة قمة الفراغ يعني."


أسباب الخلافات الزوجية

"عطست ومقاليش يرحمك الله، وقلبتها خناقة وقلتله مهو الاهتمام مبيطلبش، خليك مع صحابك والعب بابچى براحتك" كانت هذه من أطرف الخلافات التي روتها "فاطمة" عن مشاكلها مع زوجها.

وكان خلاف "سارة" مع زوجها من الخلافات "التافهة" أيضًا، وعنها قالت: " كنت مقطعة الأناناس واحدة كبيرة وواحدة صغيرة، بس من بعدها مشفش الأناناس فى البيت وبياكله بره ويقشرة براحته."


الخلافات الزوجية

روت "إيمان" خلاف حدث بينها وبين زوجها قائلة: " كنت قايلاله هاتلي حاجة حلوة معاك وأنت جاي، ولما جه فتحها وقعد ياكل هو والعيال وأنا كنت في المطبخ، طلعت لاقيته مخلصها اتخانقت معاه وقعدت أعيط، وهو يبصلي ويضحك، وفي الآخر لقيته جايب الكيس ده للعيال وجايبلي اللي أنا عاوزاه وشايله، ساعتها اتكسفت أوي ومبقتش عارفه أخبي وشي فين، وقعد مسكهالي يومين ويقولي يا عيلة ياللي بتعيطي على الحلويات."


خلافات زوجية

وكان خلاف "نورا" مع زوجها بسبب حلم، وحكت القصة قائلة: "حلمت إنى موتت وهو اتجوز وسايب مراته تذل ابنى، وكان قاعد يقولها جعان، وكانت بتحطله أكل تحت السلم، وهو قاعد معاها، والواد يا قلب أمه عمال يخبط عليهم ويعيط، قومت من النوم سودت عيشته وكأنه عملها بجد."

أما "ملك" فكان خلافها مع زوجها بسبب مزحة مع ابنتهما، وحكت القصة قائلة: "بنتي كانت صغيرة وأنا متعلقة بيها جدًا، وكنت أنا وهو شادين شوية مع بعض، فهو قرر يهزر مع بنتي ويخوفها ويشد شعرها عشان يضايقني، وكان بيلعب معاها يعني مش بيعمل دا بجد، روحت سايباله البيت وماشية."


خلافات

"كان نايم وسايبني، وبنتي مطلعة عيني لوحدي، روحت جيبت زمارة من لعبها وزمرت في ودنه عشان يصحى، وعينك ما تشوف إلا النور بعدها" كان هذا سبب خلاف "مريم" مع زوجها، التي أضافت قائلة: "كنت بهزر معاه عشان يقعد معانا بس قلبت بنكد."

وقالت "آيات": "اتخانقت أنا وجوزي من يومين عشان كان مشغل فلاش الموبايل وأنا نايمة، ولما عاتبته قالي إنه بيشوف حاجة، بس طلع فاتح الفيس بوك ومشغل الفلاش عشان يغيظني بس."

وكان خلاف "هند" مع زوجها مختلفًا، وعنه قالت: "اتخانقت أنا وجوزي عشان عملت الملوخية والبامية والمسقعة من غير أرز، لأني طول عمرى فى بيت بابا بناكلهم بالعيش، وهو مصمم إنهم بيتاكلو بالأرز."


مشكلات زوجية

"اتخانقت أنا وجوزي خناقة جامدة جدًا علشان مكنش لاقي النضارة النظر بتاعته، وكان هيتأخر على شغله ونازل، وبعد ساعة خناق وبنجري أنا وهو والأولاد في الشقة، وقف قدام المراية يدور عليها لقى نفسه لابسها، وكانت نكتة جامدة." وكانت هذه هي قصة خلاف "ناصرة" مع زوجها.

أما "آلاء" فقالت: "اتخانقت أنا وجوزي عشان كان بيدور على نص جنيه فكة وإحنا في الطريق، وزعل واتعصب بجد، اللي هو إزاي مش معاكي نص جنيه فكة؟!"


مشاركة الخبر: أتفه أسباب الخلافات الزوجية.. "ما قاليش يرحمكم الله وحلمت إنه اتجوز بعدى" على وسائل التواصل من نيوز فور مي

local_library إقرأ أيضاً في آخر الأخبار

قواعد العشق الأربعون فى نجيب زاهى زركش قصة كتاب ناجح

قواعد العشق الأربعون فى نجيب زاهى زركش قصة كتاب ناجح

visibility 10 منذُ 8 دقائق

يحسب للأعمال الدرامية إثارتها للقضايا الثقافية أو إشارتها للكتب ومصادر المعرفة المختلفة ومؤخرا ظهرت فى مسلسل نجيب زاهى ...

باحثون الصيام يقلل مخاطر الإصابة بالسرطان لتجديده جهاز المناعة

باحثون الصيام يقلل مخاطر الإصابة بالسرطان لتجديده جهاز المناعة

visibility 21 منذُ 8 دقائق

فوايد الصيام علي الجسم لا تعدى ولا تحصى حيث يملك الصوم عن تناول الطعام خصايص فريدة لحماية جسمك من الامراض القاتلة وفي...

افتتاح المرحلة الثانية لتطوير فـرع جاتينيو التاريخي بالقاهرة الخديوية بتكلفة 30 مليون جنيه

افتتاح المرحلة الثانية لتطوير فـرع جاتينيو التاريخي بالقاهرة الخديوية ...

visibility 21 منذُ 8 دقائق

شهد هشام توفيق وزير قطاع الأعمال العام افتتاح المرحلة الثانية من تطوير فرع جاتينيو التاريخى ملك شركة بيوت الأزياء...

حقيقة إلزام طلاب المنازل والإعادة والتقسيم في الشهادة الثانوية العامة بإجراء كافة الاختبارات التجريبية المقررة

حقيقة إلزام طلاب المنازل والإعادة والتقسيم في الشهادة الثانوية العامة ...

visibility 21 منذُ 8 دقائق

تداولت بعض المواقع الإلكترونية وصفحات التواصل الاجتماعي أنباء حول إلزام طلاب المنازل والإعادة والتقسيم في الشهادة...

التضامن الاجتماعى تدرس التقدم بمقترح لمجلس الوزراء يسمح للمرأة ذات الإعاقة المتزوجة بالجمع بين معاشين أسوة بالرجل ذو الإعاقة المتزوج
التضامن الاجتماعى تدرس التقدم بمقترح لمجلس الوزراء يسمح للمرأة ذات الإ...
visibility 24 منذُ 8 دقائق

أكدت مصادر أن وزارة التضامن الاجتماعى تدرس حاليا التقدم بمقترح إلى مجلس الوزراء من أجل تعديل قانون حقوق الأشخاص ذوى...

ألمانيا حزب الخضر يرشح أنالينا بيربوك لخلافة ميركل
ألمانيا حزب الخضر يرشح أنالينا بيربوك لخلافة ميركل
visibility 15 منذُ 9 دقائق

ألمانيا حزب الخضر يرشح أنالينا بيربوك لخلافة...

widgets إقراء أيضاً من اليوم السابع

حكاية عارضة أزياء بريطانية أنفقت 25 ألف جنيه إسترلينى للبحث عن فارس أحلامها
حظك اليوم وتوقعات الأبراج الجمعة 1222021 على الصعيد المهنى والعاطفى والصحى
6 حيل لمظهر عصرى بقطع أزياء تقليدية الاسكارف الحرير يبرز الوجه
ريأكشنات كلبة تكسبها شهرة كبيرة على إنستجرام و87 ألف متابع