غادة تصنع إكسسوارات غير تقليدية من الجلد بدلا من المعدن خفيفة وآمنة

غادة تصنع إكسسوارات غير تقليدية من الجلد بدلاً من المعدن.. "خفيفة وآمنة"

تم نشره منذُ 2 اسبوع،بتاريخ: 03-05-2021 م الساعة 01:32:06 الرابط الدائم: https://newsformy.com/news-606558.html في : أخرى ومتنوعة    بواسطة المصدر : اليوم السابع

"حبيت اعمل حاجة مختلفة وفي نفس الوقت خفيفة متخدش مكان في شنطة السفر ففكرت في الجلد" بهذه الكلمات بدأت غادة فتحي تحكي لـ"اليوم السابع" عن حكاية شغفها بالجلد وصناعة الإكسسوار منه، الشغف الذى جعلها تترك عملها في إحدى الشركات وتتفرغ له.


غادة فتحي ترتدي تصميمها

من دراسة التجارة، لبدراسات العليا والحصول على درجة الماجستير في الموارد البشرية، إلى العمل في إحدى الشركات الخاصة ثم الشغف بصناعة الإكسسوار باستخدام الجلد، هكذا تطورت رحلة غادة التي حكت إن بدايتها كانت في عام 2015، حين قررت عمل مشروع خاص بها، ولكنها كانت دائما تفكر بشكل مبتكر ومختلف وكنت تحب الجلد، فبدأت بالعمل في المفروشات الجلد، ثم تركتها لأنها لم تجد نفسها فيها أيضا.


حلق بالجلد 

وقالت غادة: "فكرت فى الإكسسوار الجلد، وجاءت الفكرة من معاناة السفر والإكسسوار اللى ياخد مكان فى الشنطة، عشان كده فكرت فى الجلد، خفيف، مش هياخد مكان وحاجة سهلة تتخزن".

وتابعت:"لقيت كمان إن الخامة خفيفة في اللبس علي البحر، وآمنة عشان الأطفال كمان للأمهات اللي يجرحوا أطفالهم بالأنواع الثانية من الإكسسوار، الجلد طرى ومش يجرحهم، كمان لو حد بيعاني من الحساسية في الودان أو الرقبة من الإكسسوارات المعدنية فبالنسبة لهم الجلد هيكون خفيف وطري".   


حزام الجلد

وأضافت: "بدأت ادور على الماتريل عشان اشتغل في الجلد، كنت بدور على حاجة متقشرش وتستحمل المياه، هنا في مصر في حاجات وجربتها وكانت خامة جيدة، بس انا كنت عايزة خامة أعلي عشان سرعة التلف، فجبت جلد إيطالي، وبدأت اصمم وأعمل حاجات مختلفة".


عقد بالجلد

وتابعت غادة:"ولأني طبعا مش دارسة قررت أخد دورات عشان اعرف إزاي أرسم التصميم على الكمبيوتر، بعد ما كنت في البداية اشتغل على الورق وفعلا تعلمت وبقيت بصمم واشتغل على طول".

وعبرت مصممة الإكسسوار قائلة: "اخدت وقت طبعا عشان ألاقي ورشة تنفذ اللي في دماغي، وتطلع الحاجة زي ما انا عاوزها بالضبط، وفعلا عملنا شغل كويس مع بعض".


عقد بالجلد

وأضافت غادة، "بدأت استخدم الليزر للتفريغات في التصميمات بعد ما كنت في الأول بفرغ يدويًا، بس مكنتش بتطلع مضبوطة اوي، دلوقتي بتطلع من غير تعويجات بعد كده بقفلها هاند مايد واعرضها على طول".

واجهت غادة تحديات عدة في فكرتها، فقالت: "في الأول كنت خائفة الناس تتقبل الإكسسوار الجلد ازاي خاصة أن الناس واخده على المعدن والنحاس، والفضة مكنتش متخيلة الناس تحب الجلد كدة، نشرت شغلي ولاقيت في إقبال علي الموضوع، فشجعوني أفكر في تصميمات أكتر وأوسع الموضوع"، وتابعت: وبرده كنت بفكر ازاي أكون مختلفة عملت شنط واحزمة مع الإكسسوار كمان، عملت العقد وشين وش دهبي ووش فضي، وبعمل أي لون ممكن اعمل وش فضي ووش اسود لاقيت الناس بتطلب مني إكسسوار للبيت كمان عملت ستائر، وتابلوهات بالجلد".


عقد بالجلد 

واختتمت غادة حديثها ببعض النصائح للحفاظ على المنتجات الجلدية، "مبدأيًا الجلد يحتاج يتنفس خاصة الجلد الطبيعي اهم حاجة التهوية عشان كدة أي شنطة بتقشر حتى لو براند عشان مش بتتعرض للتهوية".


عقد بالجلد

وأضافت: "حاولي تبعديها عن أي حاجة تخربشها لآن ده جلد يتأثر بأي عوامل خارجية، وينصح كل ستة أشهر تجيبي كريم لتلميع الجلد هو شبه الشمع أو "الفازلين" بتجبيه تدهني بيه الشنطة عشان الجلد مينشفش، بيطري الجلد وأهم حاجة تسيبي الفازلين ده متمسحيهوش بفوطة، سيبي الجلد يتغذي عشان ميقشرش".


مشاركة الخبر: غادة تصنع إكسسوارات غير تقليدية من الجلد بدلاً من المعدن.. "خفيفة وآمنة" على وسائل التواصل من نيوز فور مي

local_library إقرأ أيضاً في آخر الأخبار

السيسي تخصيص 500 مليون دولار كمبادرة مصرية لإعادة إعمار غزة

السيسي تخصيص 500 مليون دولار كمبادرة مصرية لإعادة إعمار غزة

visibility 13 منذُ 6 دقائق

أعلن الرئيس عبد الفتاح السيسي يعلن عن تقديم مصر مبلغ ٥٠٠ مليون دولار كمبادرة مصرية تخصص لصالح عملية اعادة الاعمار في...

هيثم طلحه  قمة السيسى ماكرون تساهم فى تعزيز العلاقات الاقتصادية والاستثمارية بين البلدين

هيثم طلحه قمة السيسى ماكرون تساهم فى تعزيز العلاقات الاقتصادية والاست...

visibility 16 منذُ 6 دقائق

اكد هيثم طلحه عضو الشعبة العامة للمستوردين بالاتحاد العام للغرف التجارية وعضو منتدى رجال الاعمال العرب بالصين ان زيارة...

شاهد ما حدث بعد قصف سرايا القدس لايريز وناحية العوز الاسرائيلي

شاهد ما حدث بعد قصف سرايا القدس لايريز وناحية العوز الاسرائيلي

visibility 14 منذُ 8 دقائق

افادت مراسلة قناة العالم في قطاع غزة اسراء البحيصي ان كتائب سرايا القدس قصفت بالهاون الثقيل منطقة ايريز الاسرائيلي حيث...

بعد رفعه علم فلسطين مصريون عمر مرسي فين

بعد رفعه علم فلسطين مصريون عمر مرسي فين

visibility 17 منذُ 8 دقائق

دشن مغردون مصريون وسم عمرمرسيفين للتضامن مع الشاب الذي اختفى يوم الجمعة الماضي بعد أن أخبر والدته بأنه سينزل لصلاة...

ما هي سيناريوهات حل أزمة اليمن في ظل الحراك الدولي المتصاعد
ما هي سيناريوهات حل أزمة اليمن في ظل الحراك الدولي المتصاعد
visibility 5 منذُ 9 دقائق

عاد التصعيد العسكري في اليمن بشكل حاد خلال الأيام الماضية إثر تعثر الجهود الأممية والدولية الرامية لوقف الحرب المستمرة...

نوال الزغبي تنشر أغنيتها يا قدس تضامنا مع فلسطين فيديو
نوال الزغبي تنشر أغنيتها يا قدس تضامنا مع فلسطين فيديو
visibility 6 منذُ 9 دقائق

نشرت الفنانة اللبنانية نوال الزغبي أغنيتها يا قدس تضامنا مع فلسطين والقدس وعبر حسابها على تويتر نشرت الزغبي فيديو...

widgets إقراء أيضاً من اليوم السابع

دحيح ولا بتذاكر بطريقة الشفرة اعرف أنت مين من أنواع الطلاب في ليلة الامتحان
بريطانية تصلح تشوها بوجهها استمر 19 عاما بفضل بحقن بوتوكس
مطاردة بين قرش وسمكةالراى اللاسع على بعد أمتار من شاطئ بسيدنى فيديو
4 أبراج تقبل سيطرة الآخرين عليهم الثور ما بيحبش الضغط والميزان سلبى