شبكة تجسس.. حسام حبيب يفجر مفاجأة حول المتسبب في تسريب والده ضد شيرين

شبكة تجسس.. حسام حبيب يفجر مفاجأة حول المتسبب في تسريب والده ضد شيرين

قال الفنان حسام حبيب: "أنا عندي ثقة كبيرة في مراتي الفنانة شيرين عبد الوهاب وعلاقتنا ببعض لها خصوصياتها ومنحبش حد يعكرها أو يتدخل فيها".

كسر شيرين عبد الوهاب
وتابع خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "فيه حد عايز يهد شيرين ويكسرها ويحطمها بجد".

اشخاص منتفعون
ولفت: "فيه أشخاص كانوا بيشتغلوا مع شيرين وبسبب مواقف حصلت في الشغل أصبحوا مش وموجودين وهي مش بيفرق معاها الفلوس أو المادة وكانت بتثق في اللي حواليها ثقة عمياء".

وأوضح: "الأشخاص اللي كانوا مستفيدين أساسيين من شيرين وبعد انقطاع علاقتهم بيها يحاولون تدميرها".

تسريب تفاصيل دقيقة
وأكمل: "احنا وشيرين بنحب خصوصايتنا ولكن للأسف الفترة الأخيرة اكتشفنا ان فيه تفاصيل دقيقة جدا بيني وبين مراتي بتسرب والأخطر تفاصيل صعبة أوي من اللى بتحصل جوا البيت".

شبكة تجسس
وسأل عمرو أديب، حسام حبيب، قائلا: "هو حد بيسجلكم جوا البيت؟ ليرد الأخير: اللى حصل معانا بعد أزمة تسريب والدي يؤكد أن السيدة دي تستخدم من خلال شبكة تجسس وقد يحدث الأمر مع فنانين آخرين أو سياسيين".

بطلة تسريب والد حسام حبيب
وتابع:"صاحبة التسريب ازاي تقول انها بتقوم بعمل استقصائي وهي بتفضح ناس وتشهر بيهم..بقالها 6 شهور بتكلم ابويا وبتقولي بنتك تستاهل واحدة صغيرة وهو يقولها ايوا طبعا..هي قدرت تتسلل للبيت بتاعنا".

اعتذر والد حسام حبيب عن التسجيل الصوتي المتداول، وكتب: "أما عن نفسي فآسف لكل ما بدر مني وما ينفعش واحد في مكانتي ولا سني ينقاد لألعاب السيدة نضال وهوايتها في تدبير المؤامرات. على العموم المسامح كريم وبقول لها أن مجرد النشر بدون موافقة الشخص جريمة من جرائم الانترنت، وتصل عقوبتها في مصر لثلاث سنوات سجن، بس أنا ها اشتكيكي في محكمة حسبي الله ونعم الوكيل وأفوض أمرى إلى الله، لأني اتعودت لما باخد حقي بإيدي ربنا بيديني على قد إيدي، ولما بفوضه بيديني على قد إيده هو".

اختتم والد حسام حبيب بيانه، موجها الحديث لنضال الأحمدية: " المرة الجاية مش عايزينك تتعبي نفسك وتقعدي ستة أشهر في الإعداد، أنتي بس قوليلي وأي خدمة، وأي فضائح، وأخيرا أنا لكل هذه الضجة وكل هذه الآلام التي سبتتها لأقرب الناس لي، بسبب عجوز خرف بحكم السن".

ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.

الكلمات الدلائليه: مصر

مشاركة الخبر: شبكة تجسس.. حسام حبيب يفجر مفاجأة حول المتسبب في تسريب والده ضد شيرين على وسائل التواصل من نيوز فور مي