رأي المشاهير حول أزمة “ريهام سعيد والثعلب”؟ (فيديو)
أبدى العديد من نجوم الفن في مصر، رأيهم حول الأزمة الجديدة التي تعرضت لها الإعلامية ريهام سعيد، بعد حلقة “صيد الحيوانات”، في برنامجها.
والتقى موقع “فوشيا” المختص باخبار الفن ببعض المشاهير والنقاد الفنيين، للكشف عن رأيهم حول القرارات الصادرة ضد الاعلامية ريهام سعيد بعد الحلقة صيد الثعلب بطريقة أثارت موجة من الانتقادات الواسعة.
رفضت النجمة منال سلامة، الهجوم ضد ريهام سعيد، مؤكدة في حديثها لـ”فوشيا”. أنها ضد الحكم على أي شيء من غير ان نكوم على دراية واسعة بكافة التفاصيل.
وأضافت: “أنا مشوفتش الحلقة ومقدرش أحكم على شيء مجتزء على السوشيال ميديا، ومواقع التواصل بقت بتحكمنا وده فشل من وجهة نظري”.
وتابعت: “ده بيحصلي أنا شخصيا، اجتزءوا جملة، الصحفي قال مانشيت بسببه اتشتمت واتلعنت وتاريخي اتمسح بأستيكة”.
وأكملت حديثها قائلة: “لازم الحكاية تتشاف على بعضها، مينفعش ناخد جملة ونحكم على الناس، الناس بقت قاسية أوي”.
بينما علق الفنان المصري رامي وحيد: “الحيوان مش بيعرف يعبر عن نفسه، ومش معنى إنه مفترس إننا نعمل فيه كده. يعني مثلا الأسد حيوان مفترس ربنا خلقه علشان يعمل دوره في الغابة، مش هنيجي إحنا نقول علشان ده ثعلب نعمل فيه كده!”.
وأردف: “ده روح ربنا خلقها، لازم نتعامل معها برفق وده ذكر في كل الأديان السماوية. اللي حصل شيء غير لائق، أنا معرفش الموضوع بالتفاصيل بس ده حيوان مفترس وربنا خلقه كده”.
كما عبر أحمد سعد، عن رأيه في الواقعة:
“ريهام سعيد عاوزة تعمل فرقعة في حلقاتها. هي مش بيفرق معها الموضوع يمشي أو ميمشيش مع الجمهور”.
وأضاف حول حلقة “صيد الحيوانات”: “بعض الحلقات لما الناس كانت بتعترض عليها قبل كده كانوا بيقولوا إن الحلقات بتيجي كاملة وبتتذاع. طب فين الرقابة الخاصة بالقناة؟!”.
واختتم حديثه قائلًا: “ريهام سعيد بتجري ورا التريند، وبتدي نفسها حرية أكبر من الحرية الموجودة على الفضائيات، وده سبب المشاكل الكتير اللي بتقع فيها”.
اقرأ المزيد: