عمرو أديب: عارف إني لما أموت هيتعمل معايا واجب بس تولعوا (فيديو)

شن الإعلامي عمرو أديب، هجومًا حادًا على الخائضين في حياة الفنان الراحل هشام سليم، متعجبًا من تدخلاتهم في حياته بعد موته.

وقال “أديب” خلال تقديمه برنامج “الحكاية”، المُذاع عبر فضائية “إم بي سي مصر”: “ده راجل كان حبيبكم، ده ابن صالح سليم يعني الموضوع الكبير كله، وعيلة محترم وراجل محترم وفنان جميل، وعيلته مين وإخواته مين ونسايبه مين”.

وتابع: “لو سمحتم لما أموت قولوا الله يرحمه وبس، أنا عارف اللي هيتعمل معايا، أنا هيتعمل معايا واجب واجب يعني، بس تولعوا، لكن الناس دي ذنبها إيه، وبعدين هو اللي بيموت الكلام ده هيلزق فيه؟ لا ده عند ربنا، ده في إيدين الرحمن الرحيم يا عالم يا ظلمة ياللي مابترحموش حد، ياللي بتاكلوا لحم الميتين.

عمرو أديب: بقيت خايف أموت هتعملوا فيا إيه!

واستطرد: “أنا بقيت خايف أموت هتعملوا فيا إيه، ده أنا هيتعملي حفلة غير طبيعية، أنا مش عايز أموت عشان اللي بتعملوه ده”.

وأضاف: “اتقوا الله وخلي عندكم رحمة، اللي انت كاتبه ده هتتحاسب عليه، كل واحد بيقراه انت هتاخد سيئات، واللي مات هياخد فيك حسنات”.

مشاركة الخبر: عمرو أديب: عارف إني لما أموت هيتعمل معايا واجب بس تولعوا (فيديو) على وسائل التواصل من نيوز فور مي