ياسمين عز السبب.. مي حلمي لـ ياسمين الخطيب: عيشي عيشة أهلك يا منفسنة

شنت الإعلامية مي حلمي، هجومًا حادًا على الكاتبة ياسمين الخطيب، بسبب انتقادها لتصريحات الإعلامية ياسمين عز حول علاقة الزوجة بزوجها.

حيث قامت “مي” بنشر جزء من تصريحات ياسمين الخطيب عبر حسابها على موقع التواصل الاجتماعي “فيس بوك”، وعلقت عليها قائلة: ” ماعنديش أدنى شك غير الي تقول كده علي زميلتها واحده منفسنه عليها مش أكتر، ما البرامج كتير والهبد كتير، اقلبي يا حببتي واتفرجي علي رضوى الشربيني مدام ياسمين مش عجباكي، ولا ياسمين عز وجعاكم؟”.

وأضافت: “ماتتفرجوا علي بقيت البرامج، إزاي تحاربي ست زيك ولا عشان إنتي قاعده وهي بتشتغل؟ فالهريه والنكته شغاله عليها، هي حرة في رأيها، يدوس علي السجادة يدوس علي وشها هي حرة، وكل واحدة حرة تعامل جوزها إزاي، ولو بتنصحهم يبقوا كويسين مع إجوازتهم دي حاجة حلوة مش وحشة”.

مي حلمي لـ ياسمين الخطيب ريحي يا منفسنة

واستطردت مي حلمي: “أنا عن نفسي بحب ياسمين، وليه نكسر في واحدة نجحت انضفو بقي وخليكي منك ليها في نفسك، إعرفوا انجحوا الأول وأبقوا اتكلموا علي غيركم، وإيه الطريقة دي بتاعت يع وبلدي، إيه ياختي عيشي عيشه أهلك واحترمي زميلتك، ما أجرمتش، ولا لازم تطلع تقول إدي جوزك بالشبشب عشان تتبسطي، اه آسفه أصلها مسمعه فمزعله الفشلة”.

وأضافت: “هتقولولي ناجحة في إيه ؟ اه ناجحة وبتتفرجوا عليها، ومدام بتتفرجو عليها وبتجيبو سيرتها تبقي ناجحة، واما تتكلم عليها واحدة بتحكها في المذيعات ومش عارفة، تبقي ياسمين نجحت”.

واختتمت: “وريحي يابتاعت ال يع وريحي يا منفسنة منك ليها، يمكن لو خلتيه يمشي علي السجادة ماكنش طفش”.

مشاركة الخبر: ياسمين عز السبب.. مي حلمي لـ ياسمين الخطيب: عيشي عيشة أهلك يا منفسنة على وسائل التواصل من نيوز فور مي