“دعوا الخلق للخالق” بسنت نور الدين ترد على الصور الساخرة من معز مسعود

بعد انتشار صور ساخرة لزيجات الباحث الإسلامي معز مسعود وعلاقاته المتكررة ،حرصت زوجته السابقة والمرشدة السياحية بسنت نور الدين التعليق على تلك الصور .

ونشرت عبر صفحتها الرسمية على موقع التواصل الإجتماعي “Facebook” معلقة :

“كلنا كبشر طبيعيين لما بنمر بتجربة صعبة .. بيتاخد كتير من روحنا و عمرنا لغاية لما بنعرف نتجاوزها ..و لما بنفتكرها ..غصب عننا بيصحى فينا جزء من الألم ..
من الأذى الشديد ان اللي حواليك يتعاملوا معاك كإنك “شئ ” مش انسان .. يستخدموا صورتك و يخوضوا فى حياتك الشخصية علشان انت شخصية مشهورة .. وكإن المشهور مش انسان من روح و دم و احساس ..
افتح السوشال ميديا ألاقي حياتى مشاع .. صورتي ضمن مجموعة صور فيها غزل و ضحك بسبب قدر ربنا “سبحانه وتعالى” كتبه عليا اني امر بيه ، و خلاص القدر عدى و انتهى من حياتي ..
انا مش حلوي مغطاة و غيرى مش حلوى مكشوفة..
و ماحدش فينا مُجرد صورة برقم بيتعد تبع حد..انا اختك و هي قد تكون بنتك .. الكلام ده مؤذي لينا و لأهلنا ..
بلاش حُب الشير و اللايك يطغى على انسانيتنا ..و دعوا الخلق للخالق.. “دا إماطة الأذى عن الطريق صدقة ” .. فما بالكم (بإماطة الأذى عن مشاعر الناس)”.

كلنا كبشر طبيعيين لما بنمر بتجربة صعبة .. بيتاخد كتير من روحنا و عمرنا لغاية لما بنعرف نتجاوزها ..و لما بنفتكرها ..غصب…

Gepostet von ‎Passant Nur El-Din بسنت نور الدين‎ am Samstag, 26. September 2020

يذكر أن معز مسعود وبسنت نور الدين اعلنا عن افصالهما في مارس 2018 بعد 6 أشهر من الزواج، وبعدها أعلن زواجه من الممثلة شيري عادل.

وانتشرت شائعات مؤخراً حول ارتباط معز مسعود بالفانة حلا شيحة .

مشاركة الخبر: “دعوا الخلق للخالق” بسنت نور الدين ترد على الصور الساخرة من معز مسعود على وسائل التواصل من نيوز فور مي