والد المطربة بوسي: مش زعلان منها ولكن مديت إيدي عشان أقدر أكل

تحدث والد المطربة بوسي من خلال مداخلة هاتفية في برنامج رأي عام الذي يتم إذاعته على قناة TEN بشأن ما تم تداوله بأن ابنته ترفض مساعدته من الناحية المالية ما أدى لتردي أوضاعه المعيشية.

فيديو لتصريحات والد المطربة بوسي عن علاقته معها:

وقال والد المطربة الشعبية بوسي بأن ابنته بسبب مشاكل مع طليقها فطين سعيد فأنها انشغلت عنه حوالي 4 سنوات كما أنها انقطعت عن مساعدته ماليا بالرغم من معاناته الصحية وأضاف بوسي بنتي وهي مابترفضش إنها تساعدني وعلاقتنا كويسة.

ولكن هي كانت الأول من 4 سنين بتبعت ليا فلوس عشان عارفة إني تعبان وكمان نظري خلاص انتهى وعندي حساسية شديدة في صدري والمفروض أعمل عملية ولكن لو أخدت حقنة بنج هموت فيها وكمان قفلت الورشة بتاعتي اللي كنت بأكل منها.

وأيضا معنديش أي مصدر رزق تاني آكل وأعيش منه كما تابع والد المطربة بوسي وقال هي لما حصلها مشكلتها مع زوجها هربت 9 شهور في لبنان وانشغلت عني مكنتش تقدر تبعت ليا فلوس يعني هي هتخلص مشكلتها ولا أنا ولا هتعمل إيه؟

ولكني انتظرت المدة دي كلها لحد ما مديت إيدي للناس وكمان فيه ناس ساعدوني كتير عشان آكل وأشرب وأعيش وطبعا ولادي التانيين كل اللي بيقدروا يعملوه إني آكل وأشرب لكن مش بيقدروا يجيبوا العلاج لانه غالي لكن أنا مش زعلان منها وأزعل من بنتي إزاي أنا مقدرش أزعل من بنتي أنا بدعيلها إن ربنا ينجيها من الأزمات اللي هي فيها.

مشاركة الخبر: والد المطربة بوسي: مش زعلان منها ولكن مديت إيدي عشان أقدر أكل على وسائل التواصل من نيوز فور مي