بوسي شلبي: أعشق محمود عبد العزيز وأنا بعمر الـ 13.. وأشعر بوجوده دائمًا في حياتي

آخر تحديث الإثنين 26 أكتوبر 2020

أعتبرت الإعلامية المصرية بوسي شلبي، مهرجان الجونة السينمائي، أنه مختلف تماما عن أي مناسبة أخرى، مشيرة إلى أن السبب في ذلك هو وجود “البحر” في الجونة.

وأضافت بوسي في لقاء مع موقع “فوشيا” الفني أثناء حضورها في إحدى فعاليات مهرجان الجونة السينمائي الدورة الرابعة التي تقام في الفترة الحالية: “بعتبر الجونة مختلف لأنه شوية صيفى. بعكس مهرجان القاهرة، بيحتاج شغل كتير وتقيل أكتر”.

وتابعت: “مهرجان الجونة أكثر روشنة وواخد طبع المدينة الساحلية. إحنا لما بنيجي الجونة بنبقى روشين ومفرفشين”.

وأردفت: “حتى مهرجان إسكندرية بحس إنه مختلف عن أي حاجة بسبب وجود بحر. ده بيخلي الموضوع مختلف، لما بتروحي الساحل بتاخدي معاكي لبس مختلف عن اللي بتاخديه معاكي وإنتي رايحة مكان تاني”.

وتابعت قائلة:

“الناس بيتعاملوا مع مهرجان الجونة على إنه (كان)، فبقى ياخد شكل تاني في اللبس والستايل وبنحاول نغير على قد ما نقدر”.

وواصلت: “أنا كنت بشتغل قبل ما أتجوز محمود عبد العزيز بـ7 أو 8 سنوات، اللي حببني في المهرجانات كانت أحلام شلبي أختي مش محمود، لإنها كانت بتشتغل قبلي وكنت بروح معاها”.

هند القحطاني تتحدى عبد الرحمن المطيري .. وسعوديون ينتقدون 5 ممارسات تمنع السكتة الدماغية

وتحدثت عن ذكرياتها مع أول مهرجان حضرته، قالت:

“أول مهرجان حضرته كان إسكندرية السينمائي، سنة 1978 وكانت أول دورة. ومحمود عبد العزيز كان متواجد، وأنا حبيته في الدورة دي وكان عندي 13 سنة، كان بيعمل فيلم مع شيريهان وبيصوروه في إسكندرية”.

وأكملت بوسي شلبي:

“هو مكنش متجوز ولا أي حاجة، كان مشهور بس يعتبر في البداية لسة. وأنا كنت طفلة ورحت مع أختي، قولتلها إني هتجوز محمود عبد العزيز، علشان كده بحب مهرجان إسكندرية”.

واختتمت: “من 78 قعدت أحب محمود لحد ما اتجوزته وعشت معاه 20 سنة، وربنا يرحمه وأسعدوني بصورة كده عملوها في المهرجان حسيت إنه معايا. وأنا دايما بحس إنه معايا في كل مكان”.

أقرأ المزيد:

نسرين طافش تطل حافية القدمين من داخل حمام السباحة بإطلالة فاضحة (صور) وفاة إعلامي شهير بعد إدانته في فضيحة أخلاقية

مشاركة الخبر: بوسي شلبي: أعشق محمود عبد العزيز وأنا بعمر الـ 13.. وأشعر بوجوده دائمًا في حياتي على وسائل التواصل من نيوز فور مي