تعليق في الجون من عمرو أديب علي واقعة التنمر ضد شيكابالا

استنكر الإعلامي “عمرو أديب” ، من واقعة التنمر من قبل جماهير النادي الأهلي على لاعب نادي الزمالك اللاعب”شيكابالا ” محمود عبد الرازق ، من خلال “واقعة الكلب”، موضحا : “ده أمر مرفوض تمامًا، مرفوض من قبل أي جمهور، حتى لو أن الزمالك كان عملها ذلك الأمر من قبل ، ده أمر مرفوض”.

وأشار غلإعلامي “عمرو أديب”، من خلال تقديمه إلي برنامج “الحكاية”، على شاشة “MBC مصر”: “دي ملهاش أي علاقة بالتعصب، و اللي بيحصل ده ليه علاقة ويرتبط بالإنسانية، أن تكون إنسان، أو أي جمهور مينفعش اللي حصل ده، اللي اتعمل مع شيكابالا ده مؤلم وبصراحة كان نفسي أن المباراة يتم إنتهائها بدون أذيال غير مؤدبة، و كانت من توقعاتي يضربوا بعض جوه الملعب أقصى تقدير”.

واستكمل : “فيه حاجة غريبة جدًا بقى،إن ناس كتير كاتبة الحمد لله إنهم خرجوا من الملعب بدون ما يضربوا بعض، وإنها كانت مشادات بسيطة كدة، والناس فرحانة كمان أنهم سلموا على بعض، بقي ده كل أمالكم يعني؟ هو ده الطبيعي،إن اللاعيبة دي بتلعب مع بعضهم في المنتخب ويناموا مع بعض في نفس الأوضة، إن شيكابالا كان نازل بيتكلم مع لاعيبة من نادي الأهلي قبل الماتش”.

وتابع كلامه ساخرًا: “وعاوزين الجماهير ترجع المدرجات؟، جماهير مين اللي ترجع للمدرجات بالروح اللي موجودة دي، لما تبقوا مضبوطين و كويسين نبقى نرجع الجمهور، يجب أن يكون هناك انضباط في الرياضة، و الشباب الصغير ليس لديه أي مثل عليا غير لاعيبة الكرة لا بنقريهم تاريخ ولا نوريهم مصطفي النحاس و لا سعد زغلول “.

وتعرض نجم نادي الزمالك اللاعب “محمود عبد الرازق “شيكابالا،إلي تنمر و هجوم من قبل جماهير النادي الأهلي بعد المباراة التي جمعت الناديين علي استاد القاهرة في نهائي دوري أبطال إفريقيا، وتم الفوز بها إلي النادي الأحمر بهدفين مقابل هدف وحيد.

مشاركة الخبر: تعليق في الجون من عمرو أديب علي واقعة التنمر ضد شيكابالا على وسائل التواصل من نيوز فور مي