شوفوا الجمال الأصيل .. الراحلة شادية مع والدتها

بالتزامن مع رحيل الفنانة شادية والذي مر عليه ثلاثة سنوات ولكن لا تزال ذكراها حية في قلوب محببيها برصيدها الفني الكبير ورصيدها الإنساني على المستوي الشخصي الذي شهد الجميع به.

صورة نادرة للفنانة الراحلة شادية مع والدتها وأبناء الأسرة:

ورحلت الفنانة شادية عن عالمنا في يوم 28 نوفمبر 2017 عن عمر ناهز 86 سنة وتركت خلفها عدد كبير من الأفلام المتميزة وقد تم تداول صورتين للفنانة الراحلة مع والدتها المصرية ذات الأصول التركية مع أبناء الأسرة.

ومن ناحية أخري فقد حكت الفنانة الراحلة شادية عن تفاصيل اتخاذها قرار اعتزال الفن وقالت حياتي كانت مليانة بعملي وشغلي الحقيقة فجأة ابتديت مفيش حاجة تعجبني وابتديت أكسل شوية يعني رواية تيجي مقرهاش على طول أو أقرأها شوية وأسيبها ففكرت أعتزل والظروف جت وسبحانه وتعالى اللي بيعمل كل الظروف.

وتابعت كلامها وقالت حسين كمال قالي ما تعملي مسرح ضحكت وقلت له ده أنا عايزة أعتزل مسرح إيه وبتاع إيه قالي قدمي ريا وسكينة بس وأنا بحب ريا أوي وكنت قابلتها في الأفلام وكانت شخصية كانت تعجبني قولتله طيب ابعت الرواية وأشوف.

واستطردت كلامها وقالت في يوم كلمت الشيخ محمد الشعراوي فقلت له ممكن أقابل حضرتك قالي تعالي روحت قولتله أنا بيني وبين نفسي كنت واعدة ربنا سبحانه وتعالى إن أنا أغني أغاني دينية يعني عشان أشكر فيها ربنا إنه نجحني كل السنين دي وسترني وما مريت به في حياتي ولله الحمد.

ولكن أنا دلوقتي مش عايزة أغني مش قادرة أغني ولا أي شيء أنا عايزة أتحجب وأقعد فهل ده حرام عشان أنا بس اديت وعد وأنا هتخلي عن الوعد ده فعادي أتخلى عنه قالي ده أحسن مليون مرة بس تصممي وأنا كنت رايحة متحجبة للشيخ الشعراوي.

واختتمت كلامها وقالت قمت من عنده ونزلت السلالم كأني بنت عندها 16 سنة والله العظيم بالضبط بجري وبعدين العربية كانت بعيد ولكن بمشي وحاسة الدنيا دي حاجة تانية وأنا واحدة تانية وحاجة تانية خالص وعمري ما حسيت بالسعادة دي وأنا في العربية وراجعة البيت.

مشاركة الخبر: شوفوا الجمال الأصيل .. الراحلة شادية مع والدتها على وسائل التواصل من نيوز فور مي