بصوا المجانص والترابيس ازاي … عمرو أديب عن بيج رامي

تحدث الإعلامي عمرو أديب من خلال برنامج الحكاية الذي يتم إذاعته على قناة أم بي سي مصر وأشاد بفوز المصري رامز السبيعي المعروف باسم بيج رامي لأول مرة ببطولة مستر أولمبيا 2020 لكمال الأجسام.

وقال من خلال حلقة أمس الأحد النهاردة ابن كفر الشيخ ابن بلطيم عمل إنجاز عالمي والراجل جسمه عبارة عن معجزة ولما تشوفوا جسمه حاجة لا يمكن تخيلها وكمان تقسيمة جسم هذا الشاب واللي عنده 35 سنة غير طبيعية ومجهود غير طبيعي.

وأضاف يعني شيء مذهل يعني الفاخدة والسمانة والمجانص والترابيس كل حاجة مرسومة لو معملوا مكنة ما تتقسم كدة وكمان الراجل دة بيخش البطولات بقاله سبع أو ثماني سنوات مرة يأخذ المركز السابع ومرة يأخذ المركز السادس.

وكمان لغاية لما السنادي خد المركز الأول وخد تهنئة العالم كله زي ما أنتم شايفين ولما تسمعوا كلام أمه عليه وجيرانه ولما تشوفوا المجهود اللي الراجل ده عمله عشان في النهاية يأخذ جائزة ويهديها لمصر كلها والنهاردة كل الميديا بتتكلم عن بيج رامي.

وتابع كلامه وقال بيج رامي رفع اسم مصر وبعد ما خد الجائزة قال إنها لمصر وزي ما أنتوا شايفين تقسيمة الجسم زي ما أنتم شايفين المجهود اللي بيتعمل ومو صلاح بعت تهنئة لمسيو أولمبيا 2020 فعلا حاجة تسعد أما حد بيشوف حد من أبناء مصر وهو بيعمل ا الإنجاز العالمي.

واستكمل الإعلامي عمرو أديب كلامه وقال إن هذا الرجل ابتدا في المحافظة ثم انتقل لدولة الكويت ثم دخل بطولات كلها باسم مصر وجاب اسم عالمي ورقم عالمي جديد في بطولة كمال الأجسام وهنهنيه لما يرجع من أمريكا.

مشاركة الخبر: بصوا المجانص والترابيس ازاي … عمرو أديب عن بيج رامي على وسائل التواصل من نيوز فور مي